من أبرزُ الخُيـولِ العربيةِ وأشهرُ السُّـيوفِ في نجد

من أبرزُ الخُيـولِ العربيةِ وأشهرُ السُّـيوفِ في نجـد :
================================
أولاً : ( الخيْــل ) :

يقولُ المُصطفى : " الخيْرُ معقودٌ بِنَواصي الخيـلِ يومَ القِيامه " ... صدق رسولُ اللهِ صلّى اللهُ عليهِ وسلّم
لِهذا أردْنا أن ننشُر بعض أشهر الخُيول التي أُشتُهِرت بنجـد :

1) ( العزِبَـه ) :
فرس عتيبة ، وهي التي أُخِذت إلى ذيب بن شالح بن هدلان القحطاني بعد معركة بين الدواسر و العتبان
و كان لونها أصفر غريبة الشكل . و كان محمد بن سعود بن فيصل و أمير حائل محمد بن رشيد أرسلا
بِطلبِها منه ، و ردَّ عليهم بأبياتٍ من الشِّعر :




أنا ليا كثرت المِشاوير ما شير وحلفت ماني بارز مـا دعانـي
وأنا صديقه في ليالي المعاسيـرو الاّ الرخا .. كل يسِـدّ بمكانـي
وشوري ليا هجّت توالي المظاهيرشلفا عليها رايِـب الـدم قانـي
مانـي بخبـلٍ يعـرف المعاييـرقِدني على قطع الفرج مرجعانـي
إن سنّدوا حدّرْت يـم الجوافيـروان حـدّروا سنّـدت لمريغانـي
ناخذ بخيران المريبـخ مساييـروما دبر المول على العبد كانـي

كـــــروش

كروش فرس مشهوره للأمير/ عبيد العلي الرشيد طلبها منه أحد وُلاة الأتراك بعد أن
طلبها منه فيصل الدويش ومحمد بن هادي القحطاني فرفض وقال قصيدته :

يابيه أنا لكروش ما أعطي ولا أبيعقبلك طلبْها فيصـل وبـن هـادي
يابيه لو كثرت بالقول مـا أطيـع ياحيـف تبغينـي أسلِّـم جَـوادي
يابيه مايرهم على مثلهـا البيـع ولا يجـي مثلـه بقـوّة مهـادي
ماجمع أصله بالقراطيس تجميـع أصله يعرفونـه جميـع البـوادي
باغ الى ما لقموهـا المصاريـع وصاح الصياح وثار عج الطرادي
أنهج عليهـا وتعـدِي بالتراثيـع مِثل الفحَل لا صال وقت الهـدادي
وأصلها لعيـون بيـضٍ مفاريـع فوق الحَنايـا والسبايـا غـوادي
هذاك بيعـه والصبايـا مفاريـع بيـن القنـا ومخفـرّات الهنـادي
هذاك بيعه كان مـا تفهـم البيـع ليا منهن جْلِبَن بسـوق المـزادي
يابيه أنا ما أسمع كلامك ولا أطيع هرجك بمقلة ناظـري والفـوادي
ياسابقي ما نرخصـك بالمطاميـع حتم ولو قيل ارفعـوا بالجـوادي
أبغى ليا ثار الدخـن بالزعازيـع وحطَّوْا على عجلاتهـم العـدادي
يوم يشيب من حـذاه المراضيـع حدين وحاديهن من الخوف حادي
أنطح ولا ربعي وجيـه المداريـع وأقضى عليها دينهـم والعبـادي
وانشد عني وعنه بعاد المفازيـع هو هرجنا إذا كـذب ولا وكـادي
من لابةٍ بالحرب ماهـم مطاويـع ولا تحسب بالمـدارس العـوادي
حلفت مايطري علينـا بـه البيـع الى الحشر ما يفخت سواده سوادى
مادام راسـى للريـاح الذعاذيـع بالعون طلبها من النـاس غـادى
وصلُّوا على محمد خير المشافيـع اللي لنـا يشفـع يـوم التنـادي

ويقال والله أعلم أن هذه الفرس درجت على عبيد العلي الرشيد من الإمام
فيصل بن تركي وكانت قد درجت علي الإمام من ابن هادي وقال عبيد فيها :

جانا جوابك يالشجاع ابن هـادي تقول لي بكروش عنـدك مثانـي
وكروش جتني من نحاز المعادي عز العرب عند اختلاف الزمانـي
سلطان نجد حضرهـا والبـوادي محى من الجودة سمال المعانـي
ريف لضعوف وتاج راس السنادي أنا وهي له وان بغاهـا بغانـي
شيخٍ على غالي حلالـه نفـادي وعطاه مابه يابن هـادي مثانـي
خطيـة طلبتـك مثانـي جـوادي وانـا بكفـي حبلهـا والعنانـي





3) : ( الجنيديه ) :
فرس بنية الجرباء المتوفي عام 1231

4) : ( الحرقاء ) :
فرس مشهورة للشيخ محمد بن هادي شيخ قحطان , كان لامام فيصل بن تركي غاضبا عليه
بسبب خفر جماعته لعهد الإمام وكان ذلك في اواخر عمر بن هادي فتوجه إلى الإمام وأهدى
عليه هذه الفرس المسمّاة الحرقاء وحصان اسمه ( نايف) فلم يقبلها الإمام لشدة غضبه فقال
الشيخ محمد :




يالله يامنشـي مــزون طـايـف افرج لمن هو مايجي درب منقـود
ادنيت انـا الحرقـا وقلـط نايـف و ردُّوا على الهدو ماأبغي له ردود
نايفٍ على اسمه جا عديم الوصايف منفله ربي علـى الخيـل بـه زود
ابـوه سبّـاق لخيـل الطـوايـف وامـه ثمنهـا تسـة الاف منقـود
ياشيخ لاتسمع هـروج الحفايـف خذ جابتي يامنقع الطيـب والجـود
لو كنت عودلـي فعـولٍ عنايـف وربعي تطاوعني على الهون والكود
حنا علـى ضـدك جبـال نوايـف وحنا لك أطوع من عبير ومسعـود
لي لابة تـروي حـدود الرهايـف لاجا نهار فيـه حـاوي ومطـرود
مانشتحن من حرب كـل الطوايـف والى بدا لازمك حنـا لـك جنـود
شد العتيبي من ورا كشـب خايـف ولا يحد ركـود يبـرا لـه القـود
وشد المطيري من خشوم الردايـف وان سندوا وردوا حنيظل وابـا دود
لي لابـةٍ مـا جمعـوا لاالعلايـف من نسل قحطان وتعزا على هـود



5) ( الحمـراء ) :
فرس مشهورة لراكان بن حثلَين وقال فيها :



الله مـن عيـن تزايـد عنـاهـاقلب الخطا شفته عن الزاد منصاع
من شوفتي حمراي تقصر خطاهـاومتغير زيـن التخلخـل بأضـلاع
ياسين يايد سابقـي ويـش جاهـاعسى لهـا رب المقاديـر منـاع
مادري سبب أو لطمةٍ في حْذاهـاأشوف قلبي عقب هالضلع مرتـاع
الهقوة انـه عيـن قـرد رماهـا مانيب من اللي دِبْر الـرب جـزّاع
ياليت من يـدري بغليـة دواهـا وانه يدور بيـن شـاري وبيـاع
أطلب عسى مولاي يدفـع بلاهـا الخيـر اللـي للمقاديـر دفّــاع
السابق اللي شف عينـي مناهـا لا قرّبوا لسروجهم كـل مطـواع
لا قربوا قحّص الرمك من كساهـا دنُّوا لي اللي كنها عنـز مقطـاع
لا شفت القنّـاص غـروٍ رفاهـا وحقت على زولة معا سد متبـاع
جوادى اللـي كـل شيـخٍ بغاهـا ولاني لعِلم اللـي يبيهـا بسمّـاع
تهيّالي الحمرا وأنا اقصي هواهـا لاطار ستر مخوتمة عشر الأصباع
لاجات سرة ساعـة مـا وراهـا عند التوالي تعترض تقـل فـراع
عند الطحوس اللي هفَت في غذاها والخيل من ضرب المزاريق خراع
ويمنى يقصر فعلها مـن حكاهـا تعدي من الشمس المذوب الى ماع
وان كان غب الكون ما اطرى نباها تقصر عن الفنجال أبو خمسة أنواع
مع لابة في الضيق تـروي قناهـا لباسة الماهـود وسمـول االأدراع
بصوارمٍ كِـن المشاعـل سَناهـا يشبع بها طيرالخضيرا الـى جـاع
وكم سريةٍ منهـم يتامـا فلاهـا مـن كـف كـل مجـرِّبٍ اوقـاع
حريبنـا حنـا لعيـنـه قـذاهـا وان كالنا بالمـد نوفيـه بالصـاع
نقـدا مظاهيـر طـوالٍ خْطـاهـا ياما حرمنا هجمـة كـل طمـاع
وراعي النفود وخدّها اللي وراهـا يجفل الى من حن نوينا بالأفـزاغ
ومناقر الصمـان خلـوا شفاهـا معف جوانبهـا شبـا كـل قطـاع
لا نثرت دهم السحـا يـب ظناهـا وغدا قرار الصلب نبته له انـواع
كـم ديـرة قفـر رعينـا حماهـا لا طاح من غر الهما ليـل لمـاع



6) ( ختله ) :
فرس لشاعر قحطاني اسمه محمد الشعرا قال فيها :




أبا اتخطـى النـار يـم العمـودي باغ يسوى لي من الكيـف منقـود
وانا فدا اللي جاب ختلـه يقـودي من ذخر ابوي وجاذبه منقع الجود
جاني بطافحـة الـذراع اليهـودي مقرى فرايدهـا حليـب ام عنقـود
كن ينطلق من ظهرهـا عقـودي لاجت تهش الذيل والراس مشهـود
ياغي الا واخم على الحمض ذودي أقودها وانا علـى منكبـي عـود
خيّال حمض المستـوِي والنفـودي بشلفا تلظى حاشي جباهـا العـود
وان هج زمل مروعات الخـدودي على من بعض المحاريف منقـود
أرادها ليعـون ضافـي الجعـودي لا صار وسط الزمل عاري ومشدود



7) : ( خلفه ) :
فرس خلف الأذن من الشعلان من عنزة قال خلف فيها :




خلفه معديها مع أولاد جمعـان اللي يعرفون الثنـا والجمالـة
ياغ عليها يوم روغات الاذهَان وكل هفا به فعل جـده وخالـه
الكد عليها واجعل العمر ماكـان والشيخ وان شافن يصيبه جفاله
أنا على خلفه وبالكف شـامان وكم راس شيخ عن تراقيه شاله



* شامان : سيف الفارس خلف الاذن الشعلان

وقال فيها لما مرضت خلفَه :



أنا برجوى الله ورجـوى العبيـة أنا على ركبه غشيش رعا كبـس
وبالكف من صنع الهنادي قضيـه عليه من دم المخالف تقل دبـس
أجي مع اول سريـة مرعضيـه وأصير بنحور النشامى لهم حبس
قـدام ربـع كـل ابوهـم دنيـه الكد على ملاكيد لفارس بني عبس
الله على يـوم ضحـاه عشويـه عج السبايا وفي نهاره تقل قبـس
قلبـي عليـهـم واردات دلـيـه والكبد من ضيم الرفاقه بها يبـس



ومِن أشهَر الخُيـول عند الدواسر :

( رَبـدا ) :

وهي فرس للأمير محمد بن فرج بن حْفَيـض .. أمير الشكره من الدواسر
ويقول في فرسه :




رَبدا ترقرَق كما بالوصف شيهانـي على العلَف مع صلاة الصبح ندعيها
نشري لها الصفري الغالي بالأثماني يوم الردي في جواده زاهـدٍ فيهـا
ويقطع لها الصانع البيطار حذيانـي أربع مواطي على الصانع يسويهـا
أبغي الى منه اغتشى الجو دخانـي وكلٍ نسى عزوته ماعـاد يطريهـا
ونا عليها وديـع البكـرة الوانـي لاعـاد هـذّار المجالـس يخليهـا



( فلـحا ) :
فرس عقاب بن سعدون العواجي الفارس المشهور من ولد سليمان من عنزة ،
ومشيخة ولد اسليمان في بيت العواجية .
فلحا فرس عند ولد سليمان ( مربط خيل العواجي )
وقد قال ابن عقاب يتمنى أن يعطيه جده هذه الفرس وقد حدّد سنّها في امنيته ،
وقد حققها له جده هذا المطلب :



ياليت من هو "جذ" فلح ثنـي وإلاّ رباع مسَودسه للمسامير
أبي إلى ماقيل زيعـت رِعيّـه وتوايَقن مع الحِنـي الغناديـر
أنطح عليها سربـةٍ زوبعيـه يجهر لميع سيوفها والمشاهير


وقال الشيخ سعدون العواجي :



تلقى على فلحا مع الخيل فارس صوته ذعار الصافنات المراهيم

هـامــش :
--------------
جذ : قلع أو أخَذ
زيعت رِعية : أُخِذت رعية
توايقن الغنادير : طلّن
زوبع : أحد فروع قبائل شمّـر
يجهر : يخطف البصر
ذعار : صوته يُخيف الخيل






( الكحيله ) :
فرس الشيخ عبد الكريم الجربا " ابو خوذه " ، طلبها منه مفوض الدولة فقال :




أرسلْت لي يابيه خطٍ يروعـي تطلب عذاب ملوِيّات الفروعي
أبغى اللى ما حضبن الجموعي أثني عليها مع جموع الطنايا


إلى أن يقول :



البيع والله ما نبيع الكحيلـه إلا ولا نصخي بها ربع ليله
أبي اللى ما سندوا مع طويله أثني عليها عند تالِ الرزايـا

( عصيـل ) :
سَيف " فنيـخ أبا الميـخ " .. وهو مِن الفضيل مِن " عبـده " .


( شـامان ) :
سَيف الشيخ " مطلق الجربا " .. المُلقّب بـ( العيط ) .









= من السيوف =

عمهوج


وهو سيف الضيط شيخ قبيلة العضيان و شيخ شمل قبائل مزحم من الروقه من عتيبة

وعمهوج السيف صنعه صانع متخصص من صفاة ضربها الرعد فصنع منه سيف عظيم استطاع الضيط ان يطرد به الاتراك من الجزيرة العربية وان يحمي بلاده وربعه به وقد شاع صيت ذلك السيف ( عمهوج ) في كل بقاع الأرض وهو موجود إلى يومنا هذا عند الشيخ بدر الضيط .




ارجو من يعرف اسماء خيول مشهورة او سيوف يضيفه على هالموضوع

	سلمت يداك موضعك روعه وفي اسماء ومعانيهالم اسمع بها مسبقاً تقبل مروري

ملك الروح

شكرا لمرورك العطر الذي زاد متصفحي روعه و جمالا

يعطيك الف عافيه يا الغلااا
اناا احب اطاالع فيهاا بس
لكن امسكهاا لا يمكن اخااف منهاا
يسلموو يا قلبي

ليــــش

هي صحيح تخوف اول مره لكن مافي احلــى منها

يســـــلمو المرور النايس

تحياتي