نشيد النصرة_سمير البشيري

قصيدة نصرة النبي صلى الله عليه وسلم
من ضمن حملة نصرة النبي صلى الله عليه وسلم

انشاد : سمير البشيري
كلمات الشاعر : محمد القثامي

::لسماع النشيد

نترككم مع كلمات القصيدة :

ياصاحبي

حثَّ الخُطا ياصاحبي شيٍّ(ن) حصل ماهو قليـل
هذي تواصيـف الحـزن فينـا علامـه فارقـه

وجدي على وقت مضى واصبح رجوعه مستحيل
يـوم الحقيقـة مزنهـا ماعـاد نلمـح بـارقـه

كنّـا سلاطيـن الامـم هاماتنـا مثـل النخيـل
ماتنحنـي ودروبنـا ماهـي ابــد متفـارقـه

كنّـا مصابيـح الدجـى كنّـا مزبّنـة الدخيـل
مدّاتنـا مثـلِ شْجَـرَه بالخيـر دايـم وارقــه

وكان العدو يحْسب لنا وان شب نيـران الفتيـل
جينا نشيـل الْـه الكفـن. قوتنـا قـوه خارقـه

نرقا على رقاب العـدو وجيادنـا الْهـا صهيـل
نرفع لوا الاسلام فـي وجـه الطغـاة المارقـه

لين انتشر فينا الوهـن وعظامنـا عيّـت تشيـل
نفسٍ (ن)غوت درب الهدى وبكل ذنـبٍ غارقـه

وياصاحبي ماهي كـذا ناقـف ومدمعنـا يسيـل
لازم نقف لمواجهـة ذيـك السمـوم الحارقـه

ولازم نرد امجادنـا ونـداوي الجـرح العليـل
دامه جبل طارق جبل ماهـوب ينسـى طارقـه

ماهو بعدلٍ (ن)نبتئـس ويعيـش واحدنـا ذليـل
مـادام ماتقطـع يميـن الا اليميـن السـارقـه

وهيّا نِذود اعْن النبيّ الهاشمـي أصفـى خليـل
خير الورى اللي حن له جذع بعـد مـا فارقـه

ونقطع جِدَا المسْتهزِئه ويصير مبـدا كـلّ جيـل
انْحورنـا دون النبـي والشمـس تبقـا شارقـه

ويارب يارب المـلا يالواحـد الفـرد الجليـل
تنصر شعوب المسلميـن اللـي لبابـك طارقـه

ويارب نطلبك العفو شيٍّ(ن) حصل ماهو قليـل
مليـار مسلـم والوهـن فينـا علامـه فارقـه

بارك الله فيك
وجزاك الله خيراً
على نقلك المفيد دائماً
والممتع
والجديد
جاري التحميل والإستماع

مشكورررررررررررر الف شكر ..
تعبناك معانا.. شكرا علي اصلاح الرابط...

لا شكر على واجب اخوي الجنتلمان
الشكر لك
وهذا واجبنا

شكرا لك ... بارك الله فيك ... على هذه الانشودة الرائعة