قالوآ حبيبك يسمع ـآلشعر قلـت ايـه

قالوآ حبيبك يسمع ـآلشعر قلـت ايـه
يقـرآه بعيونـي قبـل تسمعـونـه

لولاه حتـى طـاري ـآلشعـر مآبيـه
مير أكتبه من شآن خآطـر عيونـه

هو روح شعري وأمنيآته ومآضيـه
جذع ـآلشجر وش كآن لولا غصونـه

اكتب لغيره وـآلقصايـد تجـي فيـه
كـن ـآلقصايـد حآلفـه مآتخـونـه

هذآك لامنـه زعـل قمـت اهآديـه
حتى وهو مخطـي تعـذرت دونـه

يمكن لو انه يلمـس ـآلجـرح بيديـه
يستغرب ان ـآللـي لمسهـآ طعونـه

أبطى وهو غآيب وزلـت حرآويـه
وانآ مـن ـآلعـآم ـآتحـرى مزونـه

هو مآدرى اني في غيآبـه محآتيـه
ليته نشد عن حآلـي ـآللـي يجونـه

وـآقلبي ـآللي تـوّه أفـلـت عرآويـه
كيف إنسرق .. وظلوع قلبي حصونه

عجـزت أردّه كـنّ مآنـي برآعيـه
يوم إنتـثـر شوقه وهآضـت شجونـه

يبسن عروقـه لكـن ـآللـي يعزّيـه
إن أكثـر ـآلعآلـم تـردد لحـونـه

خافوآ مـن الله لا تجيبـون طآريـه
لاصـرت أنـآ موجـود لاتذكرونـه

لـو كـل غآلـي جآبـه الله لغآليـه
مآشفت لك مخلـوق تبكـي عيونـه

رآآآقت لي جدا جدا

إختيار رآآئع وجميل جداً
سلمت اناملك المبدعه والرآآقيه
التي تختار كل ماهو مميز ,,
أبيات تحمل احاسيس مرهفه فياضه بالحب
تشكو الفراق ,,
كلل الله روحك بالرضا والسعاده
وجمعك بمن تحب في الدنيا والإخره
لك مني باقة ورد
ودمت بخ ـير