البرااق في منتد المصباحي نت

انا وان جيت بأكتب للقصايد عناوين
عجـــــــــزت اعنونها بحرف القصيدة

لاني اشوف الحروف شعري شياطين
وانفاسي انا مثل رحلة جــــــــــــديدة

والا زمـــــــــــاني نثل غرفة مجانين
مشخبطة من كل حيدة وحيدة

مرات اشوف الحرف ولقول من وين
واحسب حساب الحرف واقول صيدة

هذي حروفي عشتها بالتلاوين
الشعر وانفاس الحروف المديدة

والغرفة اللي ماتباريك يازين
تنعاف لوهي في قصورن مشيدة

ابعدت من دنياي كل المزايين
واخترتك انتي لاجل عينك فريدة

والا انا مرفوع عن حطة الشين
ماني مضيع شبتي في حديدة

الحب مالة عين يتبع بلا عين
طيرن تعشق للجبال السنيدة

مهما يجور الوقت من لاحين
صقرن تولف بالفعول الشديدة

الصبح والقمرا وليل المحازين
اصحاب لكن فالمعاني ضديدة

كلن يميزها على حطة ايدين
وبين اليدين امتار ماهي بعيدة

يالله طلبتك حلم مابين جنبين
ووصلن يداريني معه من عبيدة

وتحفظني بعلمك وبقول ياسين
وقولن يجملني وفعل السديدة

مظلوم في دنياي مابيننا بين
ورغم الاسى والحزن هذي جريدة

مدونة بالشوق والحب تدوين
وانفاس روحن ذوبتها فريدة

لاهيب من جده ولابحر قزوين
مربعه في برد كازا وجليدة

يقولون بنت الناس مرت ببرلين
وطافت على بيروت ومصر الجديدة

ومروا على نجد العذيه ملايين
ماشابهة فالزين ساره وعيدة

هذي خلاصة ورد جوري مع تين
مذوبن عطر الغلا في وريدة

مادامني حي(ن) فلا عاد به عين
تسلاك ياراع الوصوف المجيدة

يافلسفة هتلر وياسحر بكين
ويامجد هارون الرشيد وزبيدة

انا وصوفي من حياة السلاطين
اللي لهم فالمجد رحله سعيدة

ترفقي بالحب مادامني زين
مدت يديها يحضن القلب جيدة

هاك القصيد وسود حبر الدواوين
وحكمه كتبناها بليله عنيدة

حكمه عظيمه ماتساوي ملايين
الاتساوي كل كنز وتبيدة

ياعود ريحان (ن) يفوق الرياحين
يابسمة الحاضر وثورة عبيدة

له عين وكري (ن)وسطوة شياهين
عجزت افك الروح من عمق قيدة

هي مذهلة هو شي ماشافته عين
شوف المسافه بين خده وجيدة

البرتقاله ماتجي جنبها ويييين
امشابهه فالسعررمان بيدة

الشعر يعجز والنبط والدواوين
في وصفها ياناس هذي فريدة

حتين صارت للسحايب تلاوين
مهيب كل الوانها تستعيدة

الا بلون(ن) واحد(ن)يشبه الدين
واضح ولايحتاج منك تعيدة
جل التحايا
عاشق الدمعة الحزينة
البراااااااااااااااااااااق

صح لسانك خيوو

كلمات مرررره روووعه

عجبتني مرررره

ماشاء الله

دوووم التميز خيووو

تقبل طلتي

كلنات روعة ومعاني جميلة

صح لسانك ودمت متألقا

تقبل مروري وتقديري