امثال حجازية ررررررروووووعة

وصلني ايميل من اخي بالحجاز نقل لي فيه مجموعة من الامثال الحجازية الرائعة فأحببت أن أنشرها هنا لطرافتها


اليكموها

أعرج يسحب مكسح يقول له تعال نتفسح

اللي عاجبه عاجبه واللي ما هو عاجبه ينتف حواجبه

ترتر وحرير على غطاء زير

ربنا ريَّح العريان من تعب الغسيل

زي القعقع ما يتّاكل حتى يتفقع

صاجك ما يقلي وكفتيرتك ما تغلي وأنا جيتك من قلة عقلي

طمعنجي بنى له بيت فلسنجي سكنله فيه

فقران باع ولده لطفران اشتراه بالدين

قالوا للقردة اتبرقعي قالت وجهي متعود على الفضايح

لاتقهرني ولا اقهرك الزمان دهمنلي ودهملك

لا هو أصيل جد ولا هوأحمر خد

لا تفرحي يا أم الولد بكره بنتي تكبر وتسكنهبر البلد

لو عرفوا حلاوة هرجته ما عيروني بعرجته

حلاق منحوس بسط .... بأقرع استفتح

ما يليق الغنج على الحمير العرج

نومه وتمغيطه أحسن من فرح طيطه ..

وقت الكباب صكوا الباب ووقت الملوخية عزموا البشرية ..

البسّـه من عَجَلتْها جابت بزورتها عُمِي ..

بعد ما أكل و اتـّـكا قال ريحة الأكل مستكه ..

أضرب صدر ولو كنت مفلس..

اشتري العقار من وارث ملاقيه ولا تشتريه من مالك بانيه..

البضاعة البايره تقول للتاجر أستنيني حتى يجيء أعمى قلب يشتريني..

اللي عنده قرش يبغا يرميه يشتغل في اللي ماله فيه..

الطفران يمر من السوق مستعجل

خلي العسل في جراره حتى تزيد أسعاره ..

ديّانك سيدك لين توفيه ..

كنت بالقديم ماني راضي وجاني الجديد زود أمراضي..

العيب اللي في الوجه ما يتغطى ولا يندس..

اللي يشور عليك بالطلاق مايواسيك في الفراق..

من باعك بالفول بيعه بقشره..

ما ينقل اخبارك الا من دخل دارك..

اللي يوفي بمواعيده حط ايدك في ايده..

أرسلت حسن يجيب حسين راحوا ولا جوني الاثنين..

انتهت الزفة وضرب الدفوف وجات الهبلة تقول تبغا تشوف..

أختم لكم الأمثال بهذا المثل الجميل



سكران يضرب في ميت ... لا الأول داري ولا الثاني حاسس بيه

امثاال حلوووه ومضحكه
تسلم والله بندخل امثال جديده على قواميسنا الخاصه طبعاً ههههههههه
دمت بخير

أسعدني أخي مصباحي نت ان ما طرحت قد نال انتباهك فضلاً عن إعجابك